დავიცვათ ჩვენი უსაფრთხოება შვეიცარიაში

მოგესალმებით!

შვეიცარიის ფედერალურ კონსტიტუციაში მოცემულია შვეიცარიაში ერთად ცხოვრების უმნიშვნელოვანესი წესები. კონსტიტუცია ყველა სხვა კანონზე მაღლა დგას. არცერთი სხვა კანონი არ დგას კონსტიტუციაზე მაღლა.

შვეიცარიაში ყველა ადამიანს გააჩნია უფლებები და მოვალეობები, რომლებიც მათ ენიჭებათ შვეიცარიის ფედერალური კონსტიტუციითა და კანონით. აღნიშნული ვრცელდება ყველა ადამიანზე მათი შეხედულებების მიუხედავად (მაგალითად, პოლიტიკური, რელიგიური ან სოციალური).

ფედერალურ კონსტიტუციაში მოცემულია ადამიანის ყველაზე ფუნდამენტური უფლებები.

ესენია:

კანონის წინაშე ყველა თანასწორია. დაუშვებელია დისკრიმინაცია და რასიზმი.
ქალებსა და მამაკაცებს აქვთ თანაბარი უფლებები და თავად განსაზღვრავენ საკუთარ ცხოვრებას.
ყველა ადამიანს აქვს უფლება თავისუფლად გამოხატოს საკუთარი აზრი, თუ არ შეურაცხყოფს, არ ემუქრება ან არ წაახალისებს ძალადობას სხვა ადამიანების მიმართ.
ყველა ადამიანს აქვს უფლება მისდიოს თავის რელიგიას და მშვიდობიანად გამოხატოს საკუთარი რწმენა.

Booklet დავიცვათ ჩვენი უსაფრთხოება შვეიცარიაში

Poster დავიცვათ ჩვენი უსაფრთხოება შვეიცარიაში

თვალთვალი

თვალთვალი არის როდესაც ვინმე არაერთხელ დაუკავშირდება ან ავიწროებს ადამიანს, მიუხედავად იმისა, რომ მეორე ადამიანმა თქვა ან გამოხატა, რომ მას ეს არ სურს. ეს ძალიან სტრესულია დაზარალებული ადამიანისთვის. თვალთვალი მოიცავს განმეორებით სატელეფონო ზარებს, მუქარის შემცველ შეტყობინებებს, ყოველდღიურ წერილებს, ვიზიტებს სამსახურში ან სახლში, რეგულარულ საჩუქრებს, ზოგად თვალთვალს და კონტროლს. დასჯადი შესაძლოა იყოს თვალთვალის ინდივიდუალური შემთხვევები.

თუ თქვენ გითვალთვალებენ

განუცხადეთ მაშინვე და გარკვევით, რომ არ გსურთ არანაირი კონტაქტი.
ამის შემდეგ იმოქმედეთ თანმიმდევრულად: არ უპასუხოთ ზარებს, წერილებს და ა.შ. და არ მიიღოთ საჩუქრები.
აცნობეთ ამის შესახებ გარშემომყოფებს: ოჯახის წევრებს, მეგობრებს, კოლეგებს და მეზობლებს. მათ შეუძლიათ თქვენი მხარდაჭერა.
ჩაინიშნეთ თვალთვალის ყველა შემთხვევა თარიღის, მდებარეობის, დროის და მოწმეების მითითებით (თვალთვალის დღიური).
მიიღეთ რჩევა. საკონსულტაციო ცენტრები და პოლიცია თქვენს გვერდით არიან.