சுவிட்சர்லாந்தில் பாதுகாப்புடன் ஒன்றாக வாழ்தல்

நல்வரவு!

சுவிட்சர்லாந்தில் ஒன்றாக வாழ்வதற்கான மிக முக்கியமான விதிகள் சுவிஸ் கூட்டாட்சி அரசியலமைப்பில் உள்ளன. அரசியலமைப்பு மற்ற அனைத்து சட்டங்களுக்கும் மேலாக உள்ளது. வேறு எந்த சட்டமும் இந்த அரசியலமைப்பை மீற முடியாது.

சுவிட்சர்லாந்தில் உள்ள அனைத்து மக்களுக்கும் சுவிஸ் கூட்டாட்சி அரசியலமைப்பு மற்றும் சட்டத்தால் வழங்கப்பட்ட உரிமைகள் மற்றும் கடமைகள் உள்ளன. இவை ஒரு நபரின் நம்பிக்கைகளில் (உ+ம் அரசியல், மதம் அல்லது சமூகம்) தங்கியிருக்காது செல்லுபடியாகின்றன.

கூட்டாட்சி அரசியலமைப்பில் மிக முக்கியமான உரிமைகள் எழுதப்பட்டுள்ளன.

பின்வருபவை செல்லுபடியாகின்றன

சட்டத்தின் முன் அனைவரும் சமம். இனவெறி மற்றும் பாரபட்சம் காட்டுதல் தடைசெய்யப்பட்டுள்ளது.
ஆண்களுக்கும் பெண்களுக்கும் சம உரிமை இருப்பதுடன் தமது வாழ்க்கையை தாமே சுயமாக தீர்மானிக்கின்றனர்.
மற்றவர்களை அவமதிக்கவோ, அச்சுறுத்தவோ அல்லது வன்முறையைத் தூண்டவோ செய்யாத வரையில் ஒவ்வொரு மனிதனும் தனது கருத்துக்களை சுதந்திரமாக வெளிப்படுத்த அனுமதி உண்டு.
அனைத்து நபர்களும் தங்கள் மதத்தை பின்பற்றவும், தங்கள் நம்பிக்கையை அமைதியாக கடைப்பிடிக்கவும் சுதந்திரமாக உள்ளனர்.

Booklet „சுவிட்சர்லாந்தில் பாதுகாப்புடன் ஒன்றாக வாழ்தல்“

Poster „சுவிட்சர்லாந்தில் பாதுகாப்புடன் ஒன்றாக வாழ்தல்“

ஆயுதங்கள் இல்லாமல் பாதுகாப்பாக பயணம் செய்தல்

துப்பாக்கிகள், தடைசெய்யப்பட்ட கத்திகள் மற்றும் மக்களை அச்சுறுத்தும் அல்லது காயப்படுத்தக்கூடிய ஆபத்தான பொருட்களை வைத்திருப்பது அல்லது எடுத்துச் செல்வது தடைசெய்யப்பட்டுள்ளது. பொலிஸாரினால் இவை (உங்களிடமிருந்து) எடுக்கப்படுகின்றது.

பின்வருபவை செல்லுபடியாகின்றன

கத்தியை வீட்டிலேயே விட்டுவிடுங்கள். மோதல் சூழ்நிலைகளில் கத்தியைப் பயன்படுத்த நீங்கள் முயற்சிக்க மாட்டீர்கள் என்பதே இதன் பொருள். கத்தியை எடுத்துச் செல்வது தற்காப்பு அல்ல. கத்தி உங்களுக்கு எதிராக மிக விரைவாக பயன்படுத்தப்படலாம், இது உங்களை ஆபத்தில் ஆழ்த்துகிறது.
கவனத்தில் கொள்ளுங்கள்: வெறுமனே கத்தியை எடுத்துச் செல்வது ஒரு குற்றச் செயலாக அமையலாம்.