சுவிட்சர்லாந்தில் பாதுகாப்புடன் ஒன்றாக வாழ்தல்

நல்வரவு!

சுவிட்சர்லாந்தில் ஒன்றாக வாழ்வதற்கான மிக முக்கியமான விதிகள் சுவிஸ் கூட்டாட்சி அரசியலமைப்பில் உள்ளன. அரசியலமைப்பு மற்ற அனைத்து சட்டங்களுக்கும் மேலாக உள்ளது. வேறு எந்த சட்டமும் இந்த அரசியலமைப்பை மீற முடியாது.

சுவிட்சர்லாந்தில் உள்ள அனைத்து மக்களுக்கும் சுவிஸ் கூட்டாட்சி அரசியலமைப்பு மற்றும் சட்டத்தால் வழங்கப்பட்ட உரிமைகள் மற்றும் கடமைகள் உள்ளன. இவை ஒரு நபரின் நம்பிக்கைகளில் (உ+ம் அரசியல், மதம் அல்லது சமூகம்) தங்கியிருக்காது செல்லுபடியாகின்றன.

கூட்டாட்சி அரசியலமைப்பில் மிக முக்கியமான உரிமைகள் எழுதப்பட்டுள்ளன.

பின்வருபவை செல்லுபடியாகின்றன

சட்டத்தின் முன் அனைவரும் சமம். இனவெறி மற்றும் பாரபட்சம் காட்டுதல் தடைசெய்யப்பட்டுள்ளது.
ஆண்களுக்கும் பெண்களுக்கும் சம உரிமை இருப்பதுடன் தமது வாழ்க்கையை தாமே சுயமாக தீர்மானிக்கின்றனர்.
மற்றவர்களை அவமதிக்கவோ, அச்சுறுத்தவோ அல்லது வன்முறையைத் தூண்டவோ செய்யாத வரையில் ஒவ்வொரு மனிதனும் தனது கருத்துக்களை சுதந்திரமாக வெளிப்படுத்த அனுமதி உண்டு.
அனைத்து நபர்களும் தங்கள் மதத்தை பின்பற்றவும், தங்கள் நம்பிக்கையை அமைதியாக கடைப்பிடிக்கவும் சுதந்திரமாக உள்ளனர்.

Booklet „சுவிட்சர்லாந்தில் பாதுகாப்புடன் ஒன்றாக வாழ்தல்“

Poster „சுவிட்சர்லாந்தில் பாதுகாப்புடன் ஒன்றாக வாழ்தல்“

பாலியல் வன்முறை

பாலியல் வன்முறை என்பது எந்தவொரு வடிவத்தில் மேற்கொள்ளப்படும் கட்டாய பாலியல் செயல்பாடு மற்றும் பாலியல் குறிப்புடன் எல்லை மீறும் நடத்தை ஆகியவற்றை உள்ளடக்கியது. பல்வேறு வடிவத்திலான பாலியல் வன்முறைகள் உள்ளன. உதாரணத்திற்கு:

பொதுப் போக்குவரத்தில் ஒரு வேற்று நபர் காட்டும் விரும்பத்தகாத நெருக்கம்
ஒரு உயரதிகாரியின் விரும்பத்தகாத பாலியல் (நோக்கத்துடனான() தொடுதல்கள்
ஒரு சக வகுப்பு மாணவரின் விரும்பத்தகாத பாலியல் படங்கள்
கணவன் அல்லது மனைவியின் விருப்பத்திற்கு எதிரான பாலியல் செயல்கள்

பின்வருபவை செல்லுபடியாகின்றன

உடல் நெருக்கம் என்பது பாதிக்கப்பட்ட அனைவரினதும் சம்மதத்துடன் மட்டுமே.
16 வயதுக்குட்பட்டவர்களுடன் பெரியவர்கள் செய்யும் பாலியல் செயல்கள் அடிப்படையில் தண்டனைக்குரியவை.
ஆடை அணிவதற்கும் வெளியே செல்வதற்கும் எந்த ஒழுங்கு விதிகளும் இல்லை. ஒருவர் எப்படி ஆடை அணிந்தாலும், மது அருந்தினாலும், நடனமாடினாலும், சரசமாடினாலும் அல்லது தாமதமாக வெளியில் சென்றாலும் பரவாயில்லை: யாரோ ஒருவர் பேச வேண்டும் அல்லது தொட வேண்டும் என்று இது அர்த்தப்படுத்துவதில்லை.
மக்கள் ஏற்கனவே வார்த்தைகள், பார்வை அல்லது உடல்மொழி போன்றவற்றின் மூலம் பாலியல் ரீதியாக துன்புறுத்தப்படுதை உணர்ந்து கொள்ள முடியும்.
யாராவது எதிர்க்கவில்லை என்றால், அந்த நபர் பாலியல் ரீதியான தொடர்பு, தொடுதல், உடலுறவு போன்றவற்றை ஒப்புக்கொள்கிறார் என்று அர்த்தமல்ல. மற்ற நபரும் பாலியல் செயல்களை விரும்புகிறாரா என்பதை தெளிவுபடுத்துவது எப்போதும் முக்கியம்.

நீங்கள் பாலியல் வன்முறையால் பாதிக்கப்பட்டிருந்தால்

பாதுகாப்பான இடமொன்றுக்குச் செல்லுங்கள்.
உங்கள் நம்பிக்கைக்குரிய ஒருவரிடம் பேசுங்கள். இது ஆசிரியராகவோ, மத்திய நிர்வாகமாகவோ, மருத்துவராகவோ, ஆலோசனை மையமாகவோ அல்லது பொலிஸாகவோ இருக்கலாம்.
குற்றம் நடந்த இடத்த்தில் எதையும் மாற்ற வேண்டாம்: எந்த தடயங்களையும் அழிக்க வேண்டாம்.
- குளிக்க வேண்டாம்.
- எதையும் ஒழுங்கமைக்கவோ அல்லது சுத்தம் செய்யவோ வேண்டாம்.
- நீங்கள் அணிந்திருந்த துணிகளையும் துவைக்கக் கூடாது.
கூடிய விரைவில் மருத்துவ பரிசோதனை செய்து கொள்ளுங்கள் (பொறுப்பான மருத்துவமனை).