சுவிட்சர்லாந்தில் பாதுகாப்புடன் ஒன்றாக வாழ்தல்

நல்வரவு!

சுவிட்சர்லாந்தில் ஒன்றாக வாழ்வதற்கான மிக முக்கியமான விதிகள் சுவிஸ் கூட்டாட்சி அரசியலமைப்பில் உள்ளன. அரசியலமைப்பு மற்ற அனைத்து சட்டங்களுக்கும் மேலாக உள்ளது. வேறு எந்த சட்டமும் இந்த அரசியலமைப்பை மீற முடியாது.

சுவிட்சர்லாந்தில் உள்ள அனைத்து மக்களுக்கும் சுவிஸ் கூட்டாட்சி அரசியலமைப்பு மற்றும் சட்டத்தால் வழங்கப்பட்ட உரிமைகள் மற்றும் கடமைகள் உள்ளன. இவை ஒரு நபரின் நம்பிக்கைகளில் (உ+ம் அரசியல், மதம் அல்லது சமூகம்) தங்கியிருக்காது செல்லுபடியாகின்றன.

கூட்டாட்சி அரசியலமைப்பில் மிக முக்கியமான உரிமைகள் எழுதப்பட்டுள்ளன.

பின்வருபவை செல்லுபடியாகின்றன

சட்டத்தின் முன் அனைவரும் சமம். இனவெறி மற்றும் பாரபட்சம் காட்டுதல் தடைசெய்யப்பட்டுள்ளது.
ஆண்களுக்கும் பெண்களுக்கும் சம உரிமை இருப்பதுடன் தமது வாழ்க்கையை தாமே சுயமாக தீர்மானிக்கின்றனர்.
மற்றவர்களை அவமதிக்கவோ, அச்சுறுத்தவோ அல்லது வன்முறையைத் தூண்டவோ செய்யாத வரையில் ஒவ்வொரு மனிதனும் தனது கருத்துக்களை சுதந்திரமாக வெளிப்படுத்த அனுமதி உண்டு.
அனைத்து நபர்களும் தங்கள் மதத்தை பின்பற்றவும், தங்கள் நம்பிக்கையை அமைதியாக கடைப்பிடிக்கவும் சுதந்திரமாக உள்ளனர்.

Booklet „சுவிட்சர்லாந்தில் பாதுகாப்புடன் ஒன்றாக வாழ்தல்“

Poster „சுவிட்சர்லாந்தில் பாதுகாப்புடன் ஒன்றாக வாழ்தல்“

கட்டாய திருமணம் மற்றும் கட்டாயத் தாம்பத்தியம்

சுவிட்சர்லாந்தில், ஒவ்வொரு நபரும் தாங்கள் யாரை திருமணம் செய்து கொள்ள விரும்புகிறார்கள் மற்றும் திருமணம் செய்து கொள்ள விரும்புகின்றனரா என்பதையும் சுதந்திரமாக தீர்மானிக்க முடியும். ஒரே பாலின இணைவு அனுமதிக்கப்படுகிறது. வற்புறுத்தல் மற்றும் அழுத்தம் பிரயோகிப்பது தடை செய்யப்பட்டுள்ளது. அழுத்தம் மற்றும் வற்புறுத்தல் மூலமான திருமணம் செல்லாது என்று அறிவிக்கப்படுகிறது. தாங்கள் திருமண /வாழ்க்கைத்துணையாக இருக்க வேண்டுமா அல்லது பிரிந்து வாழ வேண்டுமா என்பதைத் தேர்ந்தெடுக்கும் சுதந்திரமும் தனிநபர்களுக்கு உண்டு.

நீங்கள் அல்லது உங்கள் நட்பு வட்டத்தில் உள்ள ஒருவர் கட்டாயத் திருமணம் அல்லது கட்டாயத் திருமணத்தால் பாதிக்கப்பட்டிருந்தால், உங்கள் நம்பிக்கைக்குரிய ஒருவருக்குத் தெரிவித்து, ஆலோசனை நிலையத்தைத் தொடர்புகொள்ளவும்.