Ku wada noolaanshaha si badqab leh wadanka Switzerland

Soo-dhawaada!

Dastuurka Federaalka ee Swiss ayaa qeexaaya xeerarka aasaaska u ah ku wada noolaanshaha Switzerland wuxuuna ka wada sareeyaa dhammaan sharciyada kale. Ma jiro sharci kale oo jebin kara dastuurka.

Dhammaan dadka ku nool Switzerland ayaa leh xuquuq iyo wajibaad kuwaasoo ku cad Dastuurka Federaalka ee Swiss iyo sharciga dalka. Kuwaan ayaa quseeya madax banaanida nooca siyaasada, diinta, bulshada iyo fikradaha kale ama caqiidooyinka qofku lahaan karo.

Dastuurka Federaalka waxaa ku jira xuquuqaha aasaasiga ah.

Qodobyada soo socda ayaa lagu dhaqmayaa

Dadka oo dhan waa siman yahay sharciga hortiisa. Takoorka iyo isir nacaybku waa mamnuuc.
Ragga iyo dumarku waxay leeyihiin xuquuq siman waxayna go’aansadaan noloshooda gaarka ah.
Qof kasta xor ayuu u yahay fikirkiisa, marka uusan fikirkiisu aflagaado ku ahayn, khatar gelinayn ama rabshad kula kacayn dadka kale
Qof kasta xor ayuu u yahay inuu doorto diintiisa uuna ku dhaqmo diintiisa si nabad ah.

Booklet „Ku wada noolaanshaha si badqab leh wadanka Switzerland“

Poster „Ku wada noolaanshaha si badqab leh wadanka Switzerland“

Ku noolaanshaha nabadgalyo adoon hub haysan

Waa mamnuuc inaad sidato ama qaadato hub, mindiyaha mamnuuca ah iyo agabka khatarta ah oo loo adeegsan karo khatar gelin ama dhaawicida dadka kale. Booliiska ayaa la wareegi doona agabka noocaas ah.

Qodobyada soo socda ayaa lagu dhaqmayaa

Mindiyo kasta uga soo tag guriga. Tan ayaa kaa difaacaysa inaad damacdo adeegsiga mindidaan haddii xaalad rabshad leh dhacdo. Sidashada mindidu ma ahan nooc difaac waayo si fudud ayaa adiga laguugu adeegsan karaa sidaas awgeedna khatar ayay ku gelinaysaa.
Xasuusnoow: sidashada mindi ayaa noqon karta fal danbiyeed.